«Барселона» ярим ҳимоячиси Френки де Йонг Мадриднинг «Реал» клубига қарши бўлажак ўйин ҳақидаги саволга жавоб берди. Ханс-Дитер Флик жамоаси Ла Лига 35-тури доирасида ўз майдонида «қаймоқранглиларни» қабул қилади. Мағлубиятдан ташқари ҳар қандай натижа «кўк-анорранглиларни» чемпионга айлантиради.

«Биз ўзимизни аъло даражада ҳис қиляпмиз ва ўйинни сабрсизлик билан кутяпмиз. Ла Лигада ғолиб чиқиш — бутун мавсум давомидаги асосий вазифамиз эди. Биз тарихий воқеа остонасида турибмиз: менимча, бунгача фақат бир марта чемпионлик титули бевосита «эль класико»да қўлга киритилган», — дея де Йонгнинг сўзларини Barca Universal нашри келтирмоқда.

Учрашув якшанба, 10 май куни бўлиб ўтади. Ўйин Тошкент вақти билан соат 00:00да (11 майга ўтар кечаси) бошланади.