2000 йилдан 2003 йилгача «Барселона» президенти бўлган Жоан Гаспар Мадриднинг «Реал» клуби ҳозирги президенти Флорентино Перес ҳақида ўз фикрини билдирди. Перес 2000 йилдан бери (2006 ва 2009 йиллар оралиғидаги танаффусни ҳисобга олмаганда) жамоа бошқарувида турибди.
«Инсон сифатида у ажойиб йигит. Профессионал соҳада эса — юлдуз, ноёб истеъдод соҳиби. Аммо спорт оламида у — фирибгар», — дея Гаспарнинг сўзларидан иқтибос келтиради Mundo Deportivo.
Перес президентлиги даврида мадридликлар 33 та совринни қўлга киритишди, жумладан, Испания чемпионати ва Чемпионлар лигасида зафар қучишди.
