«Барселона» ярим ҳимоячиси Френки де Йонг ўзининг ҳолати ҳақида фикр билдирди.
«Руҳий ва жисмоний жиҳатдан ўзимни аъло даражада ҳис қиляпман. Яқинда бир неча ҳафта ўйиндан ташқарида бўлдим, шу боис менда чарчоқ йўқ. Ўзимни тетик ҳис қиляпман ва очиғини айтсам, олдинда бизни кутаётган воқеалардан жуда ҳаяжондаман», — дея де Йонгнинг сўзларини келтиради Barça Universal.
Жорий мавсумда нидерландиялик футболчи барча турнирларни ҳисобга олган ҳолда 36 та ўйинда майдонга тушди, битта гол урди ва саккиз бор шерикларига голли узатма етказиб берди.
