Мадриднинг «Реал» клуби бош мураббийи Альваро Арбелоа Ла Лиганинг 35-тури доирасида «Барселона»га қарши бўлиб ўтадиган учрашув олдидан матбуот анжуманида иштирок этди. Ўйин 10 май куни бўлиб ўтади.
«Мен буюк рақибга қарши катта ўйин кутяпман. Ҳозирги кунда жуда юқори даражадаги ўйин кўрсатаётган жамоага қарши баҳс олиб борамиз. Биз бу учрашувни — бутун дунёда энг кўп эътиборни тортадиган ўйинни катта иштиёқ билан кутмоқдамиз. У ерга ғалаба қозониш амбицияси билан йўл оламиз», — дея мураббийнинг сўзларини келтиради AS нашри.
«Барселона» биринчи, «Реал» эса иккинчи ўринни эгаллаб турибди. Учрашув Тошкент вақти билан 11 майга ўтар кечаси соат 00:00'да бошланади.
