Португалиянинг «Спортинг» клуби ярим ҳимоячи Жоау Пальиньюни ортга қайтармоқчи. Бу ҳақда A BOLA нашри хабар бермоқда. 30 ёшли Пальинья жорий мавсумни ижара асосида «Тоттенхэм»да ўтказмоқда, бироқ футболчининг шартномаси «Бавария»га тегишли.
Манбанинг таъкидлашича, агар «шпорлар» мавсум якунлангач, ярим ҳимоячини сотиб олмасликка қарор қилса, «Спортинг» ўйинчини ижарага олиш ёки ҳатто тўлиқ трансфер қилиш вариантини кўриб чиқади.
Аввалроқ «Тоттенхэм» Пальиньюни сотиб олиш мақсадга мувофиқлигига шубҳа қилаётган эди. Бироқ жамоа бош мураббийи лавозимига Роберто Де Дзерби келганидан сўнг вазият ўзгарди.
Жорий мавсумда Пальинья барча турнирларда 42 та ўйинда майдонга тушиб, олтита гол урди ва учта голли узатмани амалга оширди.
