Portugaliyaning «Sporting» klubi yarim himoyachi Joau Palinyuni ortga qaytarmoqchi. Bu haqda A BOLA nashri xabar bermoqda. 30 yoshli Palinya joriy mavsumni ijara asosida «Tottenxem»da o‘tkazmoqda, biroq futbolchining shartnomasi «Bavariya»ga tegishli.

Manbaning ta’kidlashicha, agar «shporlar» mavsum yakunlangach, yarim himoyachini sotib olmaslikka qaror qilsa, «Sporting» o‘yinchini ijaraga olish yoki hatto to‘liq transfer qilish variantini ko‘rib chiqadi.

Avvalroq «Tottenxem» Palinyuni sotib olish maqsadga muvofiqligiga shubha qilayotgan edi. Biroq jamoa bosh murabbiyi lavozimiga Roberto De Dzerbi kelganidan so‘ng vaziyat o‘zgardi.

Joriy mavsumda Palinya barcha turnirlarda 42 ta o‘yinda maydonga tushib, oltita gol urdi va uchta golli uzatmani amalga oshirdi.