«Ювентус» бош мураббийи Лучано Спаллетти жамоа ҳужумчиси Луи Опенданинг кам майдонга тушаётгани борасидаги саволларга жавоб берди. Бельгиялик форвард туринликларнинг сўнгги 10 та ўйинидан 7 тасида майдонда кўриниш бермади.

«Бу менинг хатоларимдан бири. Опенда машғулотларда аъло даражада ишламоқда, у жуда жиддий футболчи ва жамоадошлари уни яхши кўришади. У кўпроқ эътиборга лойиқ», — деди мутахассис матбуот анжумани чоғида.

Эслатиб ўтамиз, Опенда 2025 йилнинг сентябрь ойидан буён «Ювентус» шарафини ҳимоя қилиб келмоқда. Ўшанда у «РБ Лейпциг»дан ижарага олинган эди. Шу йилнинг апрель ойида Турин клуби 26 ёшли футболчининг трансфер ҳуқуқини тўлиқ сотиб олди ва у билан 2030 йилгача мўлжалланган узоқ муддатли шартнома имзолади.

Жорий мавсумда бельгиялик ҳужумчи барча мусобақаларда 37 та ўйинда иштирок этиб, ўз ҳисобига иккита гол ёздириб қўйган.