Саудия Арабистонида бўлиб ўтадиган Осиё Кубоги – 2027 финал босқичи қуръа ташлаш маросимидан сўнг, «B» гуруҳидан жой олган Ўзбекистон миллий терма жамоасининг гуруҳ босқичидаги учрашувлари санаси, вақти ва манзиллари расман маълум қилинди.
Тасдиқланган тақвимга биноан, вакилларимиз гуруҳ босқичи доирасидаги ўйинларини Саудия Арабистонининг икки йирик шаҳри — Жидда ва Риёдда ўтказишади.
Миллий терма жамоамиз гуруҳдаги иштирокини 2027 йилнинг 8 январь куни Иорданияга қарши баҳс билан бошлайди.
Ўзбекистон миллий терма жамоасининг ўйинлар жадвали:
1-тур | 2027 йил 8 январь
Ўзбекистон – Иордания
Стадион: "Қирол Абдуллоҳ Спорт Сити" (King Abdullah Sports City Stadium), Жидда шаҳри.
2-тур | 2027 йил 12 январь
Шимолий Корея – Ўзбекистон
Стадион: "Kingdom Arena", Риёд шаҳри.
3-тур | 2027 йил 17 январь
Ўзбекистон – Баҳрайн
Стадион: "Қирол Ал-Фаисал Спорт Сити" (Prince Al Faisal Sports City Stadium), Жидда шаҳри.
Мусобақа регламентига кўра, гуруҳда биринчи ва иккинчи ўринни эгаллаган жамоалар тўғридан-тўғри плей-офф (нимчорак финал) босқичига йўлланмани қўлга киритади. Шунингдек, 6 та гуруҳ ичида энг яхши натижа кўрсатган 4 та учинчи ўрин соҳиблари ҳам нимчорак финалда иштирок этиш имкониятига эга бўладилар.
