Кеча, 9 май куни Англия Премьер-лигасининг 36-тури доирасида «Ливерпуль» ўз майдонида «Челси»ни қабул қилди. Учрашув 1:1 ҳисобидаги дуранг билан якунланди.

Ўйиндан сўнг «Энфилд» стадионига ташриф буюрган мухлислар жамоа манзилига ҳуштаклар чалиб, ўз норозиликларини билдиришди. «Мерсисайдликлар» бош мураббийи Арне Слотнинг фикрича, бу ҳолат қайд этилган натижа билан бевосита боғлиқ.

«Бу катта эҳтимол билан ғалаба қозона олмаганимиз билан боғлиқ. Агар «Ливерпуль» зафар қучмаса, одамларнинг ҳафсаласи пир бўлиши мутлақо мантиқий ҳол», — дея мутахассиснинг сўзларини келтирмоқда BBC.