"Актобе" футболчиси Александр Гейнрих Европа лигасининг сўнгги саралаш босқичида доирасининг Киевнинг "Динамо" клубига қарши баҳсни ўтказиб, жамоа билан Қозоғистонга қайтганидан кейин Sports.kz сайти мухбири саволларига жавоб қайтарди.

— Александр, Киевдаги ўйинда йирик мағлубиятнинг сабаби нимада?
— Тактик жиҳатдан нотўғри ўйнадик деб ўйлайман. Ўтказиб юборилган биринчи голдан кейин бошқача ўйнашимиз керак эди. Ҳимоявий ўйин қилмоқчи бўлдим. Худди уйдагидек ҳужумкор футбол ўйнаш лозим эди. "Динамо" барибир "Динамо".

— "Иртиш"га қарши ўйинда мухлислар сизлардан қандай натижа кутишлари мумкин?
— Ғалаба учун борамиз. Чемпион бўлишни истасак, фақат ғалаба қозонишимиз керак.

— Ташқаридан қараганда, "Актобе" футболчилари чарчагани сезилиб турибди.
— Ҳа, ўйинларни қайтадан кўриб чиққанимизда енгиллик, тезкорлик ва ҳаракатчанлик йўқлигини кўряпмиз. Еврокубок баҳслари ўз таъсирини кўрсатяпти. Премьер-лиганинг бошқа жамоалари анча тетикроқ экани, иштиёқ юқори экани сезилмоқда.

— Фикрингизча, чемпионлик учун қайси жамоа асосий даъвогар?
— "Астана", "Шахтёр" ва "Актобе" чемпионлик учун курашишади, деб ўйлайман.

— Ўзбекистон терма жамоаси олдида Иорданияга қарши ўйинлар кутиб турибди.
— Ҳа, 6 ва 10 сентябрь кунлари Иорданияга қарши ўйнаймиз. Бу сафар мен терма жамоадан таклиф олмадим. Кейинги босқичга чиқишда йигитларга омад тилайман. Ўзбекистон терма жамоаси Иорданиядан ўта олишини ишонаман.

— Эмиль Кенжисариевнинг аҳволи қанақа?
— Кеча Самат Смаков билан гаплашдим. У Эмилнинг олдига бориб келди. Унинг аҳволи яхшиланмоқда. Кенжисариевнинг тезроқ соғайиб кетишини кутамиз.