"Барселона" ҳужумчиси Ферран Торрес фаолиятини яна "Манчестер Сити"да давом эттириши мумкин.
El Nacional нашрининг хабар беришича, "шаҳарликлар" форвардни қайта сотиб олишга тайёр. "Манчестер Сити" бош мураббийи Хосеп Гвардиола шахсан ушбу трансфер тарафдори сифатида чиқмоқда.
Бироқ, ушбу потенциал келишув мисрлик ҳужумчи Омар Мармушнинг "Барселона"га ўтишига бевосита боғлиқ. "Манчестер Сити" раҳбарияти фақатгина мисрлик футболчи Каталония клуби билан шартнома имзолаган тақдирдагина Торрес трансферини расмийлаштиришга киришади.
Маълумот учун, Ферран Торрес 2020 йилдан 2022 йилгача "Манчестер Сити" шарафини ҳимоя қилган. Ҳужумчи "шаҳарликлар" таркибида жами 43 та учрашувда майдонга тушиб, 16 та гол ва 4 та голли узатмага муаллифлик қилган.
