«Комо» бош мураббийи Сеск Фабрегас жамоасининг ушбу мавсум якунларига кўра муддатидан олдин еврокубокларга йўлланма олгани ҳақида фикр билдирди.
«Ўйинчилик фаолиятим давомида қанча соврин ютганимни эслай олмайман, лекин ўшанда ҳам ҳозиргидек қувончни ҳис қилганман. Биз ташлаган ҳар бир қадамни қадрлашимиз керак, чунки булар хотирада қолади. Мавсум якунигача яна иккита ўйин қолди, кўрамиз, янада юқорироққа кўтарила олармиканмиз», — дея Фабрегаснинг сўзларини келтиради Николо Скира.
Айни дамда «Комо» Италия чемпионати турнир жадвалида 36 ўйиндан сўнг 65 очко жамғарган ҳолда бешинчи ўринни эгаллаб турибди. Жамоа ўз тарихида илк бор еврокубокларга йўлланмани қўлга киритди.
