«Komo» bosh murabbiyi Sesk Fabregas jamoasining ushbu mavsum yakunlariga ko‘ra muddatidan oldin yevrokuboklarga yo‘llanma olgani haqida fikr bildirdi.

«O‘yinchilik faoliyatim davomida qancha sovrin yutganimni eslay olmayman, lekin o‘shanda ham hozirgidek quvonchni his qilganman. Biz tashlagan har bir qadamni qadrlashimiz kerak, chunki bular xotirada qoladi. Mavsum yakunigacha yana ikkita o‘yin qoldi, ko‘ramiz, yanada yuqoriroqqa ko‘tarila olarmikanmiz», — deya Fabregasning so‘zlarini keltiradi Nikolo Skira.

Ayni damda «Komo» Italiya chempionati turnir jadvalida 36 o‘yindan so‘ng 65 ochko jamg‘argan holda beshinchi o‘rinni egallab turibdi. Jamoa o‘z tarixida ilk bor yevrokuboklarga yo‘llanmani qo‘lga kiritdi.