«Челси» ҳимоячиси Марк Кукурелья бўлажак Англия Кубоги финали ҳақидаги кутилмалари билан ўртоқлашди. Унда Лондон клуби «Манчестер Сити»га қарши баҳс олиб боради.
«Биз ўзимизга ишонишимиз керак. «Ливерпуль»га қарши ўйинда жамоа юқори даражада эди. Бу ердаги кўплаб футболчилар ўтган мавсумда иккита соврин ютишган, шундай экан, бизда сифат бор. Фақат айрим жиҳатларни тўғрилаб олишимиз керак. Ўйинга яхши тайёргарлик кўриш лозим, чунки жамоалар бундай учрашувларда доим ўзларининг энг яхши томонларини кўрсатишади», — дея Кукурельянинг сўзларини келтиради Бобби Винсент.
Эслатиб ўтамиз, Англия Кубоги финали 16 май куни бўлиб ўтади. Учрашув Лондондаги машҳур «Уэмбли» стадионида ўтказилади.
