«Chelsi» himoyachisi Mark Kukurelya bo‘lajak Angliya Kubogi finali haqidagi kutilmalari bilan o‘rtoqlashdi. Unda London klubi «Manchester Siti»ga qarshi bahs olib boradi.
«Biz o‘zimizga ishonishimiz kerak. «Liverpul»ga qarshi o‘yinda jamoa yuqori darajada edi. Bu yerdagi ko‘plab futbolchilar o‘tgan mavsumda ikkita sovrin yutishgan, shunday ekan, bizda sifat bor. Faqat ayrim jihatlarni to‘g‘rilab olishimiz kerak. O‘yinga yaxshi tayyorgarlik ko‘rish lozim, chunki jamoalar bunday uchrashuvlarda doim o‘zlarining eng yaxshi tomonlarini ko‘rsatishadi», — deya Kukurelyaning so‘zlarini keltiradi Bobbi Vinsent.
Eslatib o‘tamiz, Angliya Kubogi finali 16 may kuni bo‘lib o‘tadi. Uchrashuv Londondagi mashhur «Uembli» stadionida o‘tkaziladi.
