«Реал» жорий мавсумни бирорта совринсиз якунлади — Ла Лиганинг 35-туридаги «Класико»да 0:2 ҳисобида имкониятни бой берган Мадрид клуби Испания чемпионлигини муддатидан аввал «Барселона»га топширди.
«Қаймоқранглилар» 2024 йилнинг декабридан бери соврин юта олмаяптилар. Ўшанда улар ФИФА Қитъалараро кубоги финалида «Пачука»ни мағлуб этишган эди (3:0).
Ушбу мавсумда «Мадрид» Испания Суперкубоги финалида «блауграна»га ютқазди (2:3), Испания Кубогининг 1/16 финалида «Альбасете»га имкониятни бой бериб, турнирни тарк этди, Чемпионлар лигасида эса чорак финал босқичида «Бавария» томонидан тўхтатилди.
