«Real» joriy mavsumni birorta sovrinsiz yakunladi — La Liganing 35-turidagi «Klasiko»da 0:2 hisobida imkoniyatni boy bergan Madrid klubi Ispaniya chempionligini muddatidan avval «Barselona»ga topshirdi.
«Qaymoqranglilar» 2024 yilning dekabridan beri sovrin yuta olmayaptilar. O‘shanda ular FIFA Qit’alararo kubogi finalida «Pachuka»ni mag‘lub etishgan edi (3:0).
Ushbu mavsumda «Madrid» Ispaniya Superkubogi finalida «blaugrana»ga yutqazdi (2:3), Ispaniya Kubogining 1/16 finalida «Albasete»ga imkoniyatni boy berib, turnirni tark etdi, Chempionlar ligasida esa chorak final bosqichida «Bavariya» tomonidan to‘xtatildi.
