«Барселона» марказий ҳимоячиси Рональд Араухо мавсум якунлари ҳақида тўхталиб ўтди. «Кўк-анорранглилар» яна Испания чемпионига айланишди, бироқ уругвайлик футболчининг ўзи учун бу мавсум осон кечгани йўқ: ўтган йилнинг охирида руҳий ҳолатидаги муаммолар сабабли у ҳатто мажбурий таътилга чиқишга мажбур бўлган эди.
«Мен учун бу оғир мавсум бўлди, лекин кўп нарса ўрганганимни ҳис қиляпман. Мен анча улғайган футболчига айландим ва ўзимни бахтли ҳис қиляпман», — дея 27 ёшли марказий ҳимоячининг интервьюсидан иқтибос келтиради Испания ОАВлари.
