Маркус Рэшфорд «Барселона» таркибида Ла Лига ғолибига айланди. Инглиз футболчиси Мадриднинг «Реал» клубига қарши кечган «олтин ўйин»нинг 9-дақиқасида ҳисобни очиб, каталонияликларнинг зафарига муносиб ҳисса қўшди. «Кўк-анорранглилар» принципиал рақибни мағлуб этиб (2:0), чемпионат якунига уч тур қолганда чемпионликни нақд қилишди.

28 ёшли Рэшфорд учун бу фаолиятидаги илк лига чемпионлиги ҳисобланади. Бунгача вингер «Манчестер Юнайтед» сафида турли клуб турнирларида ғолиб чиққан бўлса-да, чемпионатдаги ғалаба таъмини айнан ҳозир ҳис қилди. Эслатиб ўтамиз, «Барселона» Рэшфордни «қизил иблислар»дан жорий мавсум якунига қадар ижарага олган эди.