«Барселона» бош мураббийи Ханс-Дитер Флик Ла Лигадаги муддатидан олдин қўлга киритилган чемпионликдан сўнг жамоанинг ўсишини баҳолади. «Кўк-анорранглилар» кетма-кет иккинчи мавсум Испания чемпионатида зафар қучишди. Якшанба куни каталонияликлар 35-тур доирасида ўз майдонларида Мадриднинг «Реал» клубини мағлуб этишди (2:0).

«Аввал ҳам айтганимдек, иккинчи мавсум ҳар доим биринчисидан қийинроқ кечади. Эҳтимол, биз ўтган мавсумдагидек кўп гол урмаётгандирмиз, лекин ҳимояда анча яхши ўйнай бошладик — айниқса, сўнгги вақтларда. Мен жамоанинг ўсишидан ҳайратдаман», — дея Barca Universal Фликнинг сўзларини келтиради.