Мадриднинг «Реал» клуби бош мураббийи Альваро Арбелоа жамоанинг жорий мавсумдаги муваффақиятсизлигининг асосий сабабларидан бирини айтди. «Қаймоқранглилар» бу мавсумни совринсиз якунлайдиган бўлишди: якшанба куни мадридликлар «Барселона»га 0:2 ҳисобида имкониятни бой бериб, Ла Лига чемпионлиги учун ҳатто математик имкониятларидан ҳам маҳрум бўлишди.
«Бу ўзини оқлаш эмас, лекин бу мавсумда жамоамизда жароҳатлар жуда кўп бўлди. Биз ғалаба қозонишимиз шарт бўлган ўйинларда жуда кўп очко йўқотдик», — дея журналист Фабрицио Романо Арбелоанинг сўзларини келтиради.
«Реал» 35 турдан сўнг 77 очко билан турнир жадвалида иккинчи ўринни эгаллаб турибди, «Барселона» эса 91 очко билан пешқадамлик қилмоқда.
