Лондоннинг «Тоттенхэм» клуби марказий ҳимоячиси Микки ван де Вен «Барселона»га ўтиши мумкин. Бу ҳақда Diario SPORT нашри хабар бермоқда.
Манбанинг маълумотларига кўра, «Барселона» 25 ёшли нидерландиялик футболчига жиддий қизиқиш билдирмоқда. Каталония клуби агар «шпорлар» мавсум якунида Чемпионшипга тушиб кетса, ҳимоячини ҳеч қандай муаммосиз қўлга кирита олишига ишонмоқда.
Жорий мавсумда ван де Вен барча мусобақаларда 42 та ўйинда майдонга тушиб, еттита гол урди ва битта голли узатмани амалга оширди. Ҳимоячининг «Тоттенхэм» билан шартномаси 2029 йилгача мўлжалланган. Transfermarkt портали бераётган маълумотларга кўра, футболчининг бозор қиймати 65 миллион еврони ташкил этади.













