Массимилиано Аллегри «Милан» бошқарувидаги бир мавсумдан сўнг клубни тарк этиши мумкинлиги ҳеч кимга сир эмас. Клуб раҳбарияти аллақачон бундай ҳолат учун эҳтимолий номзодларни кўриб чиқмоқда. Уларнинг иккаласи ҳам италиялик мутахассислардир.

Вариантлардан бири — айни дамда Португалиянинг «Порту» жамоасини бошқараётган Франческо Фариоли. Шунингдек, Sport Mediaset нашри берган хабарга кўра, ҳозирда «Болонья» устози бўлиб ишлаётган Винченцо Итальяно номзоди ҳам ўрганилмоқда. Италияда уни аллақачон катта клубда ишлашга тайёр деб ҳисоблашади.