Бразилия терма жамоаси бугун Жаҳон чемпионати-2026 учун кенгайтирилган таркибни эълон қилади.
UOL нашрининг ёзишича, душанба куни Бразилия футбол конфедерацияси ФИФАга 55 нафар футболчидан иборат рўйхатни юборади. Карло Анчелотти бошқарувидаги жамоанинг айнан шу футболчилари орасидан жаҳон биринчилиги учун якуний таркиб саралаб олинади.
Кенгайтирилган рўйхатдан «Сантос» ҳужумчиси Неймар, «Челси» форварди Эстевао ва «Порту»нинг 41 ёшли ҳимоячиси Тиаго Силва каби ўйинчилар жой олади. Ушбу дастлабки таркиб расман эълон қилинмайди.
Бразилияликлар ЖЧ-2026 учун 26 нафар футболчидан иборат якуний қайдномани 18 май куни очиқлашади.













