Braziliya terma jamoasi bugun Jahon chempionati-2026 uchun kengaytirilgan tarkibni e’lon qiladi.
UOL nashrining yozishicha, dushanba kuni Braziliya futbol konfederasiyasi FIFAga 55 nafar futbolchidan iborat ro‘yxatni yuboradi. Karlo Anchelotti boshqaruvidagi jamoaning aynan shu futbolchilari orasidan jahon birinchiligi uchun yakuniy tarkib saralab olinadi.
Kengaytirilgan ro‘yxatdan «Santos» hujumchisi Neymar, «Chelsi» forvardi Estevao va «Portu»ning 41 yoshli himoyachisi Tiago Silva kabi o‘yinchilar joy oladi. Ushbu dastlabki tarkib rasman e’lon qilinmaydi.
Braziliyaliklar JCH-2026 uchun 26 nafar futbolchidan iborat yakuniy qaydnomani 18 may kuni ochiqlashadi.













