«Наполи» А Сериянинг 36-тури доирасида ўз майдонида «Болонья»га имкониятни бой берди — 2:3.

Ўйиннинг 34-дақиқасига келиб меҳмонлар 2:0 ҳисобида олдинда боришаётган эди — голларга Федерико Бернардески ва Риккардо Орсолини муаллифлик қилишди. Мезбонлар 48-дақиқадаёқ мувозанатни тиклашга муваффақ бўлишди — Жованни Ди Лоренцо ва Алиссон Сантос ўз исмларини таблога ёздириб қўйишди. Бироқ, ҳакам томонидан қўшиб берилган вақтда Жон Роу «Болонья»га ғалаба келтирган голни урди.

«Наполи» 70 очко билан Италия чемпионати жадвалида иккинчи ўринни эгаллаб турибди. «Болонья» эса 52 очко билан 8-поғонадан жой олган.

«НАПОЛИ» — «БОЛОНЬЯ» — 2:3

Голлар: Федерико Бернардески 10 (0:1), Риккардо Орсолини 34-пен (0:2), Жованни Ди Лоренцо 45+2 (1:2), Педро Сантос 48 (2:2), Роу 90+1 (2:3).

«Наполи»: Милинкович-Савич, Ррахмани, Буонджорно, Ди Лоренцо, Мактоминай, Лоботка (Гилмор, 76), Гутьеррес (Маццокки, 87), Политано (Спинаццола, 85), Джоване (Эльмас, 76), Сантос, Хейлунн.

«Болонья»: Пессина, Хелланн (Хеггем, 82), Лукуми, Миранда, Жоао Мариу (Зортеа, 64), Фройлер, Фергюсон (Моро, 81), Побега (Зом, 81), Бернардески (Роу, 73), Орсолини, Кастро.

Огоҳлантиришлар: Политано (84) — Жоао Мариу (38), Бернардески (47), Хелланн (58), Лукуми (69).