Парижда Миллий профессионал футболчилар иттифоқи (UNFP) томонидан 2025/26 йилги мавсум якунларига кўра тақдирлаш маросими бўлиб ўтди.
«Мавсумнинг энг яхши мураббийи» номинациясида «Ланс» устози Пьер Саж ғолиб чиқди. Ушбу совринга, шунингдек, Луис Энрике («ПСЖ»), Паулу Фонсека («Лион»), Брюно Женезьо («Лилль») ва Оливье Панталони («Лорьян») номзод сифатида кўрсатилган эди.
2025 йилда худди шу мукофотга Луис Энрике лойиқ кўрилганди.
Саж 47 ёшда, келиб чиқиши франциялик. Мутахассис 2025 йилдан бери «Ланс»да фаолият юритиб келмоқда. Бунга қадар у «Лион»ни бошқарган, шунингдек, «Ред Стар», «Лион Дюшер» ва «Шамбери» мураббийлар штабида ишлаган.
«Ланс» 32 та ўйинда 67 очко жамғариб, Лига 1нинг 2025/26 йилги мавсум жадвалида иккинчи ўринни эгаллаб турибди. «ПСЖ» 73 очко билан (32 та ўйиндан сўнг) пешқадамлик қилмоқда. Учинчи ўринда эса «Лилль» (33 та ўйиндан сўнг 61 очко) бормоқда. Жамоалар чемпионатда жами 34 та ўйин ўтказишлари лозим.
