«Реал»нинг собиқ ярим ҳимоячиси Тони Кроос «қаймоқранглилар»нинг «Барселона»га қарши кечган сўнгги ўйиндаги мағлубияти ҳақида фикр билдирди. Испания Ла Лигасининг 35-турида Альваро Арбелоа шогирдлари «Камп Ноу»да 0:2 ҳисобида имкониятни бой беришди. Ушбу ғалаба туфайли каталонияликлар тарихда илк бор «Эл-Класико»да муддатидан олдин чемпионликни расмийлаштиришди.
«Менда ҳеч қачон бунчалик кам умид бўлмаган эди. Шунчаки ўйин тугаганидан хурсанд бўлдим. Мен илгари ҳеч қачон «Барселона» ғалаба қозонишига бу қадар ишонч ҳис қилмагандим. Ҳатто улар биздан анча кучли бўлган мавсумларда ҳам бундай бўлмаган», — дея Крооснинг сўзларини келтирмоқда Madrid Zone.
Мавсум якунланишига уч тур қолганда, «Реал» Ла Лигада «Барселона»дан 14 очко ортда қолган ҳолда иккинчи ўринни эгаллаб турибди.
