"Астон Вилла" клуби жамоанинг асосий посбони Эмилиано Мартинеснинг эҳтимолий кетишига тайёргарлик кўришни бошлади. 33 ёшли аргентиналик юлдузга Саудия Арабистони клублари томонидан қизиқиш борлиги ҳақидаги хабарлар фонида, Унаи Эмери жамоаси Франция бозорига эътибор қаратди.

Клуб скаутлари айни дамда икки нафар ёш иқтидорни кузатишмоқда. Булар — "Тулуза" аъзоси Гийом Рест ва "Ланс" дарвозабони Робен Риссер. Риссер жорий мавсумда "Ланс"нинг муваффақиятларида, хусусан, Чемпионлар лигаси йўлланмасини қўлга киритишида катта роль ўйнади ва унинг трансфери анча қимматга тушиши мумкин. Рест эса "Тулуза" сафидаги ишончли ўйинлари билан "Вилла"нинг шорт-листига киритилган.

Эслатиб ўтамиз, Мартинеснинг "Астон Вилла" билан амалдаги шартномаси 2029 йилгача мўлжалланган