«Барселона»нинг собиқ ярим ҳимоячиси, ҳозирда «Комо» жамоаси бош мураббийи бўлиб ишлаётган Сеск Фабрегас «Реал Мадрид»ни бошқариш эҳтимоли ҳақидаги саволга жавоб берди.
— Сизда қандайдир «қизил чизиқлар» (тақиқлар) борми? Агар кун келиб «Мадрид» қўнғироқ қилса... «Реал» мураббийи бўла олармидингиз?
«Менда ҳеч қандай «қизил чизиқлар» йўқ. Фаолиятим бошиданоқ аниқ белгилаб олган ягона чеклов — бу кимнингдир ассистенти (ёрдамчиси) бўлишни истамаслигим эди. Мен бош мураббий бўлишни хоҳлашимни аниқ биламан.
Қолган нарсаларга жумладан, «Мадрид» вариантига келсак — бу ҳақда ҳатто ўйлаб кўрганим ҳам йўқ. Бу каби нарсаларни мулоҳаза қилишга шунчаки вақтим бўлмади», — деди Фабрегас.
