«Барселона» ҳужумчиси Маркус Рэшфорд ҳеч қандай шарт эвазига «Манчестер Юнайтед»га қайтиш ниятида эмас. Бу ҳақда The Touchline нашри хабар тарқатди.
Манбанинг таъкидлашича, ҳатто асосий таркибдан жой кафолатланиши ва Чемпионлар Лигасида иштирок этиш имконияти ҳам Рэшфордни фикридан қайтара олмайди. Футболчи Барселонадаги ҳаётга кўникиб қолган ва Англияга қайтишни хоҳламаяпти.
Аввалроқ, «Манчестер Юнайтед» бош мураббийи Майкл Кэррик, агар кейинги мавсумда ҳам ўз лавозимида қолса, Рэшфордни қайтариши мумкинлиги ҳақида хабарлар тарқалган эди.
«Барселона» эса ҳозирча ижара муддати якунлангач, ҳужумчини «қизил иблислар»дан сотиб олиш борасида якуний қарорга келмаган. Шартномада футболчини 30 миллион еврога сотиб олиш ҳуқуқи кўзда тутилган.
