Туриннинг «Ювентус» клуби 2026/2027 йилги мавсум учун мўлжалланган янги уй либосини тақдим этди. Унда олтин рангли элементлар мавжуд.
«2026/2027 йилги мавсум учун янги уй либоси «бьянконерилар» меросига эҳтиром бажо келтириб, олтин давр эстетикасини қайтармоқда», — деб ёзади Турин клуби матбуот хизмати ўз расмий сайтида.
Таъкидлаш жоизки, «Ювентус» аллақачон ўз фан-дўконида янги либослар тўплами сотувини бошлаган. Катталар учун мўлжалланган футболкаларнинг нархи турли талқинларга қараб 100 евродан 150 еврогача белгиланган.
Эслатиб ўтамиз, жорий мавсумда Туриннинг «Ювентус» жамоаси Италия Серия А турнир жадвалида 36 ўйиндан сўнг 68 очко жамғариб, учинчи ўринда бормоқда.
