Таниқли инсайдер ва журналист Ариэль Хельвани UFC собиқ чемпиони, ирландиялик Конор Макгрегор ҳамда 66 кг вазн тоифасида собиқ чемпион, америкалик Макс Холлоуэй ўртасидаги жангни ташкил этиш ишлари якуний паллага кирганини маълум қилди.
«Ҳозирда томонлар музокараларнинг финиш чизиғида туришибди. Ҳаммаси имзоланади. Бу жанг 11 июль куни бўлиб ўтмаслиги учун қандайдир даҳшатли воқеа содир бўлиши керак. Ҳамма нарса жуда яқин», — деди Хельвани ўз кўрсатувида.
Конор Макгрегор 2021 йилнинг июль ойидан бери ММА қоидалари бўйича жанг ўтказмаган. Ўшанда у Дастин Порьега қарши жангда оёғидан оғир жароҳат олиб, техник нокаут билан мағлуб бўлган эди. Ирландиялик жангчининг рекордида 22 ғалаба ва 6 мағлубият мавжуд.
