Taniqli insayder va jurnalist Ariel Xelvani UFC sobiq chempioni, irlandiyalik Konor Makgregor hamda 66 kg vazn toifasida sobiq chempion, amerikalik Maks Xollouey o‘rtasidagi jangni tashkil etish ishlari yakuniy pallaga kirganini ma’lum qildi.
«Hozirda tomonlar muzokaralarning finish chizig‘ida turishibdi. Hammasi imzolanadi. Bu jang 11 iyul kuni bo‘lib o‘tmasligi uchun qandaydir dahshatli voqea sodir bo‘lishi kerak. Hamma narsa juda yaqin», — dedi Xelvani o‘z ko‘rsatuvida.
Konor Makgregor 2021 yilning iyul oyidan beri MMA qoidalari bo‘yicha jang o‘tkazmagan. O‘shanda u Dastin Poryega qarshi jangda oyog‘idan og‘ir jarohat olib, texnik nokaut bilan mag‘lub bo‘lgan edi. Irlandiyalik jangchining rekordida 22 g‘alaba va 6 mag‘lubiyat mavjud.













