«Манчестер Сити» бош мураббийи Хосеп Гвардиола жамоа ҳимоячиси Марк Гехини мақтаб ўтди. Яқинда футболчи «Эвертон»га қарши ўйиндаги (3:3) голга сабаб бўлган хатосидан сўнг танқидларга учраган эди.

«Бу — ақл бовар қилмас харид. У ҳар бир ўйинда, ўз ҳаётида — ҳақиқий профессионал бўлиш учун ҳар бир деталга эътибор қаратади. Бу клуб учун ажойиб трансфер бўлди. Биз жуда мамнунмиз. Гехи ўзини биз кутганимиздек тутмоқда — ҳал қилувчи лаҳзаларда у тезкор қарор қабул қилади ва вазиятни ўнглай олади. Айнан мана шу жиҳат катта клублардаги катта ўйинчиларни белгилаб беради. Мен буни кўп марта айтганман», — деди Гвардиола матбуот анжуманида.

Чоршанба куни, 13 май куни «Манчестер Сити» Англия чемпионати доирасида ўз майдонида «Кристал Пэлас»ни қабул қилади.