Ҳозирда «Манчестер Юнайтед»да тўп сураётган «Реал»нинг собиқ футболчиси Каземиро мадридликларнинг собиқ ҳужумчиси Гарет Бэйл ҳақидаги фикрлари билан ўртоқлашди.

«Энг муҳим пайтларда, Чемпионлар Лигаси ва Кубок финалларида у гол урарди. «Ливерпуль»га қарши икки марта, шунингдек, «Атлетико»га қарши ҳам гол урган. Криштиану — бошқа дунёдан, бу муҳокама қилинмайди, лекин мен учун Бэйл энг зўри эди. У ҳам ҳужум қиларди, ҳам ҳимояланарди, бош билан ўйинда кучли эди, гол урарди, фол ишлатарди. У жуда яхши, жуда тез ва жуда кучли эди. Ҳамма нарсани уддалай оларди, бу ақл бовар қилмас даражада эди», — деди Каземиро Рио Фердинанднинг подкастида.

Эслатиб ўтамиз, Гарет Бэйл 2013 йилдан 2022 йилгача «Реал»да ўйнаган. Уэльслик футболчи Мадрид клуби таркибида жами 16 та совринни қўлга киритган.