Карло Анчелоттининг ўғли ва «Реал» бош мураббийининг собиқ ёрдамчиси Давиде Анчелотти ўз фаолияти давомида шуғуллантирган энг яхши ярим ҳимоячи кимлиги ҳақидаги саволга жавоб берди.
«Мен машғулот ўтказган энг буюк ярим ҳимоячи? Кроос. Ва Модрич. Лука ҳақида ажойиб бир воқеа бор: у ҳар доим «Реал» пайпоқларининг тагидан ўзининг шахсий пайпоқларини кийиб ўйнарди. Бир сафар «Райо Вальекано» стадионида унга акасидек бўлиб қолган китмен (либослар бўйича масъул) уларни олиб келишни унутиб қўйган. Ўшанда ҳамма нарса остин-устун бўлиб кетган, Луканинг ғазаби чиққан эди. Мана, футболчилар орасидаги перфекционистлар (ҳар бир деталга эътибор берадиганлар) ҳақида гапирганда шуни тушуниш керак», — деди Давиде Анчелотти La Gazzetta dello Sport нашрига берган интервьюсида.
Эслатиб ўтамиз, Лука Модрич 2012 йилдан 2025 йилгача «Реал»да тўп тепган. Ҳозирда хорватиялик футболчи «Милан» шарафини ҳимоя қилмоқда.
