Мадриднинг «Реал» клуби президенти Флорентино Перес Жозе Моуриньюнинг «қаймоқранглилар» бош мураббийлигига қайтиши ҳақидаги хабарларга изоҳ беришни истамади. Шунингдек, клуб раҳбари амалдаги мураббий Альваро Арбелоанинг футболчилар билан муносабатлари ҳақидаги саволга ҳам жавоб беришдан бош тортди.
— Биз Жозе Моуриньюни таклиф қилмоқчимизми? Ҳозирча бундай босқичга келганимиз йўқ. Улар «Реал» клубини биздан тортиб олмоқчи, аммо биз унинг "сосьос"ларга тегишли бўлиб қолишини истаймиз.
Арбелоанинг футболчилар билан муносабатими? Мен масаланинг спорт томони ҳақида гапирмоқчи эмасман. Мен «Реал» манфаати учун хизмат қиладиган янги сайловлар ҳақида эълон қилмоқчиман. Айрим одамлар ёки журналистлар эса бунга халақит беришни хоҳламоқда, — деди Перес матбуот анжуманида.













