1998 йилги Жаҳон чемпиони Франк Лебёф Криштиану Роналдунинг Саудиянинг «Ан-Наср» клубидаги фаолияти ҳақида ўз фикрини билдирди. «Челси»нинг собиқ ҳимоячиси португалиялик юлдуз жамоанинг муваффақиятларини ўз номига ёзмаслиги керак деб ҳисоблайди — унинг фикрича, Роналдунинг бу ғалабаларга қўшган ҳиссаси у қадар катта эмас.
«Роналдунинг «Ан-Наср» учун қилган ишларини Месси келганидан кейин «Интер Майами»да юз берган ўзгаришлар билан ҳатто солиштириб ҳам бўлмайди. Месси клубни юқори даражага кўтарди ва унинг натижаларини тубдан ўзгартириб юборди. Биринчи йилдаёқ! Бу — шунчаки «вау». «Ал-Наср»нинг ғалабалари эса Роналдусиз ҳам бўлган», — дея Лебёфнинг сўзларини келтирмоқда derbyderbyderby.it.
Эслатиб ўтамиз, Роналду 2022 йилнинг охиридан буён Саудия Арабистонида тўп суриб келмоқда.
