«Реал» президенти Флорентино Перес сешанба кунги матбуот анжуманида, табиийки, «Негрейра иши»га ҳам тўхталиб ўтди. Перес ҳакамларнинг адолатсизлиги ҳақида кўп гапирди ва ҳатто «Барселона»га УЕФА учун тайёрланаётган 500 саҳифалик ҳужжат билан таҳдид қилди.
Шунингдек, Перес агар ҳамма нарса адолатли бўлганида, унинг президентлиги даврида «Реал» икки баравар кўп чемпионликка эга чиққан бўлишини таъкидлади.
«Мен Ла Лиганинг 7 та титулини қўлга киритдим. Лекин улар 14 та бўлиши керак эди. Мендан 7 та чемпионликни ўғирлашди. Бизни талашди. Ушбу мавсумда Испания чемпионатида биздан 18 очкони тортиб олишди», — деди Перес матбуот анжуманида.
Эслатиб ўтамиз, якшанба куни «Барселона» «Реал»ни мағлуб этди (2:0) ва чемпионликни расмийлаштирди.
