Ироқ терма жамоаси футболчилари 2026 йилги жаҳон чемпионати олдидан муаммога дуч келди.
Ироқ ОАВ маълумотига кўра, АҚШ миллий терма жамоанинг беш нафар футболчисига виза беришни рад этган. Таъкидланишича, бу муаммо Осиё ва Африканинг айрим давлатлари футболчиларига ҳам таъсир қилиши мумкин.
Эслатиб ўтамиз, 2026 йилги футбол бўйича жаҳон чемпионати 11 июндан 19 июлга қадар АҚШ, Канада ва Мексикада бўлиб ўтади.
Ироқ терма жамоаси гуруҳ босқичидаги икки учрашувни АҚШда, яна бир ўйинни эса Канадада ўтказади. Ироқнинг "I" гуруҳидаги рақиблари Франция, Сенегал ва Норвегия терма жамоалари бўлади.













