Мадриднинг «Реал» клуби кетма-кет иккинчи мавсумни совринсиз якунламоқда. Бу ҳолат яқин ўтмишда «Реал»нинг кўплаб ғалабаларига улкан ҳисса қўшган Тони Кроосни қаттиқ ташвишга солмоқда.
«Икки мавсумни совринсиз ўтказиш — «Реал» учун мутлақо йўл қўйиб бўлмайдиган ҳолат. Клуб ичида салбий динамика кузатилмоқда», — дея Крооснинг сўзларини келтиради derbyderbyderby.it нашри.
Эслатиб ўтамиз, германиялик ярим ҳимоячи фаолиятининг ўн йилини (2014 йилдан 2024 йилгача) Мадрид клубига бағишлаган. Испанияга кўчиб ўтишдан аввал у Мюнхеннинг «Бавария» жамоасида тўп тепган ва у ерда ҳам Чемпионлар Лигаси ғолибига айланган эди.
