«Милан»нинг собиқ ҳимоячиси Алессандро Костакурта январь ойида Италия чемпионатига кўчиб ўтиб, ҳақиқий сенсацияга айланган Дониэлл Мален ҳамда бразилиялик афсонавий Роналдо ўртасида кўплаб ўхшашликларни кўрмоқда. Костакуртанинг фикрича, улар нафақат ташқи кўриниши, балки бошқа жиҳатлари билан ҳам ўхшаш.
«У ҳаракатлари билан менга Роналдони эслатяпти. Тўпни жуда осонлик билан тўхтатади — худди оғзида сигара билан тургандек хотиржам. Мен бундай ҳолатни жуда кам кўрганман — фақат Роналдо ва Карекада учратганман», — дея Костакуртанинг сўзларини келтиради derbyderbyderby.it нашри.
Эслатиб ўтамиз, Мален Италиянинг «Рома» клубида тўп тепади. Костакурта эса футболчилик фаолиятини 2023 йилда якунлаган.
