«Сассуоло» марказий ҳимоячиси Тарик Муҳаремович Миланнинг «Интер» клубига ўтишга розилик берди. Инсайдер Николо Скиранинг хабар беришича, «нерадзурри» 23 ёшли футболчи билан принципиал келишувга эришган.

Босниялик футболчининг «Интер» билан шартномаси 2031 йилгача мўлжалланади, маоши эса йилига 2,2 миллион еврони ташкил қилади. Энди Милан гранди «Сассуоло» билан трансфер борасида келишиб олиши керак — ҳозирда музокаралар давом этмоқда. Италиянинг амалдаги чемпионлари «нероверди»га футболчини ижарага олиш ва 2027 йилнинг февралида сотиб олиш мажбуриятини таклиф қилмоқда.

Transfermarkt портали Тарик Муҳаремовичнинг нархини 20 миллион еврога баҳоламоқда. Қайд этиш жоизки, футболчига бўлган ҳуқуқларнинг ярми ҳамон «Ювентус»га тегишли.