Испаниянинг «Вильярреал» клуби охирги йигирма йил ичидаги энг яхши мавсумини ўтказишга яқин турибди. Ҳозирда жамоа турнир жадвалида учинчи ўринни эгаллаб турибди ва бу позицияни сақлаб қолиш учун барча имкониятларга эга. Жамоа қолган учта ўйинда тўрт очко жамғариш Испания чемпионати шоҳсупасидан жой олишни таъминлайди.

Клуб охирги марта бундай муваффақиятли натижани 2007/2008 йилги мавсумда қайд этган эди — ўшанда «Вильярреал» ҳатто Каталониянинг «Барселона» жамоасини ҳам ортда қолдириб, Ла Лигада иккинчи ўринни эгаллаган. Шундан сўнг жамоа икки бор, 2011 ва 2016 йилларда мавсумни тўртинчи ўринда якунлаган эди. Мана энди яна бир бор кучли учликка кириш учун ажойиб имконият юзага келди.