Мадриднинг «Реал» клуби яримҳимоячиси Месут Ўзил трансфер бозори ёпилгунига қадар жамоани тарк этишга яқин турибди. Бу ҳақда «Cadena SER» нашри хабар тарқатди.
Манбанинг маълум қилишича, «қироллик клуби» германиялик футболчини «Арсенал»га сотишга рози бўлган. Футболчига шунингдек «ПСЖ» ҳам қизиқиш билдирган, бироқ Ўзилнинг ўзи кўпроқ Англияда тўп суришни хоҳлаётганини маълум қилганди.
Эслатиб ўтамиз, баъзи манбаларга кўра, Ўзилнинг трансфери нархи 40 миллион фунтни ташкил қилиши кутилмоқда.