«Манчестер Сити» бош мураббийи Пеп Гвардиола ВАР тизимига ишонмаслигини тан олди. Бугун «шаҳарликлар» АПЛнинг қолдирилган 31-тур учрашувида «Кристал Пэлас»га қарши майдонга тушади.

«Фақат ўзимиз қилишимиз керак бўлган ишни яхшироқ бажаришимиз мумкин. Бу фақат ўз қўлимизда. Биз Англия Кубогининг иккита финалида ҳакамлар ўз ишини тўғри бажармагани сабабли ютқаздик. Ҳатто ВАР бўлса ҳам. Бу мағлубиятлар ҳакамлар эмас, биз яхшироқ бўлишимиз кераклиги сабабли содир бўлди. Кўп йиллар олдин бу ерга келганимдан бери ВАРга ҳеч қачон ишонмаганман.

ВАР — бу худди танга ташлашдек гап. Сизнинг ўзингиз яхшироқ бўлишингиз керак. «Кристал Пэлас» билан ўйин ҳам шундай: диққат, диққат ва яна бир бор диққат. Албатта, ҳозирги Премьер-лигада чемпионлик бизнинг қўлимизда эмас. Мен бу ерга келганимда ҳам, аввалроқ «Барселона» ва «Бавария»да ишлаганимда ҳам футболчиларга доим айтганман: Йигитлар, яхшироқ ўйнанглар», — деди Гвардиола.