Италия терма жамоаси афсонаси Роберто Баджо 1994 йилги жаҳон чемпионати финалида Бразилияга қарши ўйинда (пенальтилар сериясида) йўл қўйган хатосини ёдга олди. Бу ҳақда Corriere della Sera нашри хабар бермоқда.

«Ҳатто бугун ҳам ўзимни тўлиқ кечира олмайман. Биламан, бу ғалати туюлиши мумкин, чунки футбол хатолардан иборат, аммо ўша лаҳза менга жуда қаттиқ таъсир қилади. Бошимни эгиб турганим кўпчилик учун жаҳон чемпионати финалининг рамзига айланиб қолди. Бу мен учун шунчаки ҳолат эмас, балки ички кечинмаларим эди. Бу Италия ва барча инсонлардан кечирим сўрашнинг сукутдаги, балки англанмаган усули эди», — дейди Баджо.

Шунингдек, собиқ футболчи болаликдаги орзуси ҳақида тўхталиб ўтган: «Болалигимда ЖЧ финалида Бразилияга қарши ўйнашни орзу қилардим. Бу эски армон бўлиб қолди. Ўшанда нима содир бўлганини тушунтириш мен учун ҳали ҳам қийин».

Баджо бразилияликларнинг ўша ғалабада «самовий кучлар» ёрдам бергани ҳақидаги қарашларига ҳам муносабат билдирди. «Бразилияда кўпчилик буни юқоридан берилган белги деб ҳисоблайди, чунки ўша воқеалардан бироз аввал Айртон Сенна вафот этган эди. Уларнинг айтишича, айнан Сенна тўпни тўсин юқорисидан ўтиб кетишига ёрдам берган. Бундай нарсалар — жумбоқ ва ҳар кимнинг ўз қарашига боғлиқ», — дея қўшимча қилди собиқ юлдуз.