«Манчестер Юнайтед» афсонаси Пол Скоулз Премьер-лиганинг жорий мавсумидаги энг яхши ўйинчи борасидаги фикрлари билан ўртоқлашди. Яқинда ушбу совринни «қизил иблислар» ярим ҳимоячиси Бруну Фернандеш қўлга киритган бўлса-да, Скоулзнинг ўз номзоди бор.
«Мен Габриэль (Магальяэс)ни танлаган бўлардим. Менимча, у жорий мавсумда «Арсенал»нинг энг яхши футболчиси бўлди. Кўпчилик Деклан Райс ҳақида гапирмоқда, аммо менимча, у совринга лойиқ бўлиш учун етарлича иш қилгани йўқ. Ҳа, балки Бруну ҳаммадан яхшироқ ўйнагандир, лекин «Арсенал» лигада пешқадамлик қилмоқда, шу боис Габриэль ҳам бу эътирофга лойиқ», — дея Скоулзнинг сўзларини келтирмоқда инглиз ОАВлари.
Маълумот учун, Габриэль дос Сантос АПЛнинг жорий мавсумида «канонирлар» сафида 30 та учрашувда майдонга тушиб, 3 та гол ва 4 та голли узатмани ўз ҳисобига ёзиб қўйган.
