Бугун, 13 май куни Италия Кубогининг ҳал қилувчи финал учрашуви бўлиб ўтади. Римдаги «Олимпико» стадионида кечадиган баҳсда «Лацио» ва Миланнинг «Интер» клублари ўзаро тўқнаш келишади. Учрашув Тошкент вақти билан соат 00:00 да бошланиши режалаштирилган.

Экспертлар бўлажак финалда «Интер» жамоасини мутлақ фаворит сифатида кўришмоқда. Таҳлилларга кўра, Милан клубининг асосий вақтда ғалаба қозониш имконияти 55,6 фоизга баҳоланмоқда. «Лацио»нинг муваффақияти эса бор-йўғи 17,7 фоизни ташкил этмоқда. Асосий вақтда дуранг қайд этилиши эҳтимоли — 26,7 фоиз.

Умумий натижа, яъни қўшимча вақтлар ва пенальтилар сериясини инобатга олган ҳолда, «Интер»нинг кубокни қўлга киритиш имконияти 70,7 фоиз, «Лацио»ники эса 29,3 фоиз этиб белгиланган.